പശ്ചിമഘട്ട നീര്ച്ചാല് മാപ്പിങ്ങ് സംസ്ഥാനതല ഉദ്ഘാടനം
നാളെ (21-01-2023) മന്ത്രി റോഷി അഗസ്റ്റിന് നിര്വ്വഹിക്കും
നവേകരളം കര്മപദ്ധതിയുടെ ഭാഗമായി ഹരിതകേരളം മിഷന്റെയും തദ്ദേശ സ്വയംഭരണ സ്ഥാപനങ്ങളുടെയും നേതൃത്വത്തില് വിവിധ വകുപ്പുകളുടെ സഹകരണത്തോടെ സംഘടിപ്പിക്കുന്ന സുരക്ഷിതമാക്കാം പശ്ചിമഘട്ടം പദ്ധതിയിലെ നീര്ച്ചാല് മാപ്പിങ്ങ് പ്രവര്ത്തനങ്ങളുടെ സംസ്ഥാനതല ഉദ്ഘാടനവും ബ്രോഷര് പ്രകാശനവും ജലവിഭവ വകുപ്പ് മന്ത്രി റോഷി അഗസ്റ്റിന് നാളെ (21-01-2023 ശനിയാഴ്ച) നിര്വ്വഹിക്കും. ഇടുക്കി കളക്ടറേറ്റ് കോണ്ഫറന്സ് ഹാളില് രാവിലെ 11 മണിക്ക് ഡീന് കുര്യാക്കോസ് എം.പി അധ്യക്ഷത വഹിക്കുന്ന ചടങ്ങില് നവകേരളം കര്മപദ്ധതി 2 സംസ്ഥാന കോര്ഡിനേറ്റര് ഡോ. ടി.എന്. സീമ വിഷയാവതരണം നടത്തും. വാഴൂര് സോമന് എം.എല്.എ ബ്രോഷര് ഏറ്റു വാങ്ങും. ശ്രീ. എം.എം.മണി എം.എല്.എ മുഖ്യ പ്രഭാഷണം നടത്തും. പി.ജെ. ജോസഫ് എം.എല്.എ ലോഗോ പ്രകാശനം നിര്വ്വഹിക്കും. അഡ്വ. എ. രാജ എം.എല്.എ മാപ്പത്തോണ് വീഡിയോ പ്രകാശനം ചെയ്യും.