ഓണത്തിന് ഒരു മുറം പച്ചക്കറി

കേരളസർക്കാർ ജൂലൈ 11 ന് തുടക്കം കുറിക്കുന്ന ഓണക്കാല വിളവെടുപ്പ് മഹോത്സവമാണ് പ്രസ്തുത പദ്ധതി. ആവശ്യമുള്ള പച്ചക്കറിയുടെ 60% അന്യസംസ്ഥാനങ്ങളിൽ നിന്നാണ് കേരളത്തിൽ എത്തുന്നത്. ഇതിന് മാറ്റമെന്നോണം ഈ ഓണക്കാലത്ത് ഓരോ വീട്ടിലും സ്വന്തമായി വിളയിക്കുന്ന പച്ചക്കറികൾ ഓണമുണ്ണാൻ ഉപയോഗിക്കാം എന്നാണ് പദ്ധതി ലക്‌ഷ്യം. ഇതിലേക്കായി 57 ലക്ഷം പച്ചക്കറി വിത്ത് പാക്കറ്റുകൾ, 45 ലക്ഷം പച്ചക്കറിത്തൈകൾ, 1 ലക്ഷം ഗ്രോബാഗുകൾ സംസ്ഥാനത്ത് വിതരണത്തിന് തയ്യാറായിക്കഴിഞ്ഞു. ഉദ്ഘാടനം കഴിഞ്ഞ് ഒരുവാരം സംസ്ഥാനത്തെ എല്ലാ കൃഷിഭവൻ മുഖേനയും വിത്തുകൾ വിതരണം ചെയ്യുന്നതാണ്. മാത്രമല്ല സ്‌കൂളുകൾ വഴി എല്ലാ വിദ്യാർത്ഥികൾക്കും വിത്തുകൾ വിതരണം ചെയ്യും.